تظن قلبك جبل شامخ فانت ابخير؟
نسيت ان الحجر قاسي ولا ثمّر

حلاتك كالبحر تاخذ وتعطي خير
ولا هَمّك سُفن همّك بتتسمّر

وروحك شجره و قلبك ظلال اعصير
تجي حولك طيور الحب واتعمّر

تبي تفرح؟ف عيش الدنيا مثل الطير
يغنّي للملا لو عشّه اتدمّر

تبي تاصل لحلمك؟لا تخاف وسير
وساير وقتك واصبر لاتتذمّر

تِكبّر؟شوف غير الله يظَل اكبير؟
تواضع!تسكت الاه وما تتنمّر

وخلك لو يخل وعده فخله ودير
..خفوقك من قبل حبّه ماايتخمّر

واذا ترجع على كذبه فصدق اتحير
ويتسلط على قلبك و يتأمّر

يحبّك من كره من عندك التّقصير
ونخْل الهيم دون الغيم ما تمّر

يا كُبْر الهم اذا شفته بعين اصغير
وكسر الروح لو ظمّر ماايتظمّر

وطن منفي سكن فينا بلا تفكير
عمَتنا دخنة اوعوده ولا جمَّر

ولو هدْمو مساجدنا و دور الدير
يهل دمع السماء ووجهها حمّر

واذا شمّر جفَت حايل لقيت (الْعِير)
على حايِل تدرْهم واتركت شمّر