يـا عـزوتـي خـوذي عناوين الاخبار
      ثــــــم اكتبي بوضاعنا لك قصيده

من عقب ما كنا على سفوح سنجار
     اليوم نبحث عـن ديـار (ن) جديده

ماهي...مذله....لاكن....الوقت....غدار
     غدر...بنا...رغم....العزوم....الشديده

ودارت بنا الدنيا حسب حكم القدار
    وخلت عقيد الـقـوم يـخـدم عبيده

وصار...الردي...يمنع علي شبت النار
     ويامر....وينها....بالذي....هو...يريده

وحنا....نفونا....وبعدونا....عن....الدار
       وعدوننا........بديارنا.........مستفيده

درب السعد عـاكــس بنا والزمن دار
      وليل الـفـرح للحزن امساء طريده

ويالشمريه....ضايق...الصدر...محتار
     وابقى عـلاج لضيق صـدري يفيده

صـار الوطن يـا مسندي بيد الاشرار
    وكـل يــوم بالدستور نقطه جديده

واللي يعارض فيه تدرين وش صار
     مـن قـبـل يمسي دبــرو لـه مكيده

وسجونهم قـــد فولوها من الاحرار
      اللي جــرا حـب الوطن في وريده

ويـا عـزوتـي هـاذي عناوين الاخبار
     واهــم وابــرز ما احتوته الجريده