له بنص لا دسته وحكرت ب القير
الارض من تحته تهزهز وترتج

وليا خذى فوق المزفلت مشاوير
يشدى غزال.ن. شاف قناصه وهج

وعليه قرمن من عيال.ن. مناعير
كل المراجل تحت رجليه تنزج

من لابتن ب الكون تروي المشاطير
ماهو من اللي لا نخيته تحرج

ياخذ غريب.ن عشقته حروت الدير
النار في جوفه عليها اتوهج

وجدي عليها وجد راعي مغاتير
وخذن نهار الكون والملح يزعج

ام العيون الناعسات المخادير
سهام لحضه خجن بضامري خج

يا صاحبي ما ترحم بحالة زهير
يابو جديل.ن. فوق متنا يتدلج

زهير العقيدي

حي القصيد وحي طرق المناعير
اللي لهم بيض المعاني تدجج

شروا زهير وكل من يعرف ازهير
واللي خذوا سلم الرزينين منهج

من عقبها والقاف من شيخها غير
وكل المعاني نور بالصدق تبهج

هذا حفيد قروم خشنه مشاهير
وسيف البطوله بالبطولات يرهج

ماهمهم صكت ذوي الجنازير
وفي ساحة الهيجا عدوهم تضرج

عيسى_الحريري

الطير يشجاني و انا مرَبّي الطير
حزّة غياب الشمس و الليل لجلج

لجّت عليّ هموم سِمَّ النَّفَسْ كير
و ضاقت عليّ بهافي الروح تسرج

يا زهير لو مات الغلا منك يا زهير
كنك حجر مدفون و التراب لك فج

يا زهير شفني قاصر الصوت و السير
الله على قلب(ن) حرقني و تمجمج

يا زهير وينه ناعس الطرف يا مير
فرقى اذبحتني من اريش العين و ادعج

حسن_الخمعلي

وجدي عليها وجد من ضيع الطير..
قرناس في لطم الجزايل تدرج.

خشف.ن جديله غير ومقابله غير.
خده شبيه النور يومن تلاعج

ريم الجوازي المترفات الغنادير
اللي لها قلب المتيم توهج

ام النهود الجامحات المزابير..
فجن ثنايا الثوب مع مقدمه فج......

فيها الوصايف مالها اي تصوير
أحلى من رضاب الثغر حين ينمج.

أبوطراد ذيب اللجاة