خلّني ساكت وخلَّ الميت ميت
ليه تحفر قبر جرحك بالعتب

يبلعك صمتك وربي لو حكيت
وإتّمنّى الموت ما حولك هرب

لا تسد اسوار صبرك لو شكيت
ولا تهز الشوق ما يسقط رطب

ليّن و لكن احذرك لو قسيت
ما تطفّيني لو اتفجّر غضب

عشر ما معطيك منّك ما خذيت
لا خذيت اجروح خذلان وتعب

من فعولك درت هالقلب استحيت
ووجه حبك مابه الدم وشحب

مير ذنبي من قبلت ابك ورضيت...
تلعب ابحالي و نفسيتي لعب

رابط اطيوفك بعيني ما غفيت
في غيابك فمي ف ذكرك رطب

من حجر قلبك وحقك ما هويت
بس انا شاعر وقلبه صدق حب

جنة الدجّال حبك ما دريت
قلب يؤمن فيك لجروحه قرب

اشتريت اللي شعل لك يوم (ليت)
وبعت من مشعل لك اضلوعه حطب

قلت حبّك ماي بس انت نسيت
إن مو كل ماي صالح للشرب