الاسم الكامل:يوسف عبد الذهاب الدليمي. الاسم الفني 

:يوسف الذهاب.... المواليد        :1962 /الانبار  العراق.  

المواليد        :1962 /الانبار  العراق.

التحصيل الدراسي:جامعة بغداد .

.بكالوريوس اداب الحالة

الاجتماعية:متزوج .3 بنات .

شاعر واعلامي.

محرر الصفحات الثقافية في جريدتي الجزيرة.

والثافية امين سر اتحاد الادباء الشعبيين فرع الانبار.

شاركت في مهرجانات ثقافية وشعرية داخل وخارج العراق.

ظهرت في الكثير من برامج القنوات الفضائية العراقية.

مستشار ثقافي في قصر الثقافة والفنون في الانبار .

ولدي ديوان شعرشعبي عراقي في النية طبعه .

،،،،،،،،،،،،،،،،،،،،،،،،،،،،،،،،،،،،،،،

من القصائد التي كتبتها  قصيدة {حلم بخريف العمر}      

.حلم بخريف العمر

    . . . . . . . . . . . . . . . . . . . . . . .

كدامي عبره ونهر ..

لازم اعبر عنز وذيب ويه الكصب.

لازم اذر عالجرح ملح

وأطيب الجرح لن جرحي شهكة

صبخ شوغة حمام اليون

عالراح بس مايرد ومتون

ماظل بعد تتلاوى ويه الحمل

عُمر بمغيب الشمس ليرات

لاحن اله خطن سطر

عالكَلب رد العمر بوله

مصلوب خاطر  يحب

ومعلكَـ اعلا النخل إحديثات

مرن عصر ما ضحكن ولا بـجن

شافن جتيل العشكَـ بس وحده منهن بجت

زيج الستر سردت فز الكَلب وشتعل  وشلبَه

خيط الشمس ودته يم النهر

 والناس عِبره وسفر روجات

نهر الحزن اخذن مراكب غَرب

كل المراكب مشت ياما مراكب

إجت وذني الاجن والمشن  

ما عرفن بلوعتي بمحماس كَهوة عرب

بوجاغ ربعة صخي روحي

اسحنوها سحن الله بالي اشكثر..  

حسبات راحت وجت راحن اجن

مايهم طير وتجيني بفرح اخذ الشمس والهوى

اخذ الاهل والولد منذور

هاك العمر  من عمري

رايد سنه بلكت يرد العمر الراح

راح ومضى لتكَول باجر يرد

خل نبتدي من الصفر

بس بعمر هالوكت إكَرب اسمعك

همس ومسامر الميخلص وبني بخيالي قصر

وعشوش مد البصر احلم

ولبس الحلم معضد غوايش

غوى وفرش كحل لوعتي بجفون

ليلك رمد دونك فيافي ووعر إيخاف

منها الجدم الليل منها يفز حيث 

انت تسكن قصر ممنوع من الحرس

يوم بثنيتك امر اكدر اشد علهجن

ولحكَـ مغيب الشمس هودج وزفك كَمر

والزفه كلها نجوم اربع فصول العمر

بس انت أول يوم وبيا فصل نبتدي فصل ألعتب ولوم؟؟

خليك شاخص درب خليك اخر ليل

شاهد عرف لوعتي ويام عمري المضن اكثر

وكَول اليجي يعوضني عن الراح مرتاح اكَلك صدكَـ؟؟

صدكَني مو مرتاح بأخر جكَاره صرت وليل توه بدا....

خليك أخر حلم خليك صفنة فكر شمعة بطريقي ضوت بس إشنقوها بتيل..