وصلّ الوافي من الخافق سلام = عد ّ مزن ٍ ساقته رخم الغيوم

او عدد من طاف بالبيت الحرام = للرفيق اللي له العذرا تشوم
للنماصي عزوتي عبد السلام = عزوتي يا عزوتي ذرب العلوم
اشهد إن اللي لجا بك ما يضام = يا ملاذي عن لواهيب السموم
الوفا كاسيك من خال و عمام = يا وريث اهل المكارم و السلوم
تربية حر ٍ عديم و له مقام = راس حربه ليث بالعليا يحوم
عرفج الزحزيح مدهال الكرام = مستقر الطيب ما ياتيه لوم
عاش شيخن جاب من صلبه قطام = جاب أبو نوره عسى عزه يدوم
متعب الشّعار في بدع الكلام = و بالشجاعه متعب ٍ كل الخصوم
تلطم المخطي ليا اشتد الخصام = العدو من كثر خوفك ما ينوم
و يش ابمدح فيك يا حام الجهام = وقفتك نفخر بها في كل يوم
يوم صار الجو في وجهي عسام = مرتكي لي يا بعد كل الرخوم
من يبي منكم نسابه ما يلام = فعلكم يا عزوتي يجلى الهموم
يالنماصي لك محبه و احترام = لان مثلك للعلا دايم يروم
نغلي الطيب ونمشي له شمام = و الردي مالك ولا لي به لزوم
دام انا معكم فأنا وضعي تمام = احمد المعبود ما شفت الغموم
والسلام اختام يا عبد السلام = يا الرفيق اللي مقدر و محشوم

كلمات الشاعر و الاعلامي السعودي
ممدوح سماح العفري
مؤسس موقع رابطة الإعلاميين العرب