مجنونه حبت شخص عاقل ومجنون
مجـنون لوغابت وهـو غـاب عـنها

وعاقل اذا لاقاها في فيـّـة غصـون
ووبل السحايب ينسكب في حضنها

مهرً عسيف ولا تبي غيره يمون
فارس ولد فارس ويمسك رسنها

اسكنها في قلبه وفي داخل النون
في القلب تمرح والحنايا وطنها

في بُعدها يحيا مع هموم وحزون
تبكي الصحاري حزنهم من حزنها

الارض جدبه والسما مابها مزون
وفي قربهم تزهر صحاري مدنها

قالت ملكت الروح وبصوتها شجون
عطني حياتك شف حياتي ثمنها

جاوب بدمعٍ داخل العين مكنون
يقول إنتي اللي وحيده أأتمنها

العمر لِك والقلب في ايديكِ مرهون
لكن حذاري لا تفكي رهنها

الحـب بلـوى والمـفارق هـو جـنون
والا المحبه ماسلم شخص مـنها