طاروق يقفاه طاروق.. من شأنكم كم طاروق
سقته كتبت الدواوين ..ماهس حبة شعيره

الذوق يا غاية الذوق .. فارق على الكل با الذوق
تغبطك كل المزايين.. واهل الحسد مستثيره

مخلوق من طين مخلوق..والأنس من طين مخلوق
قذفة عيونك نياشين..مثل الفشق و الذخيره

موثوق والعلم موثوق ثابت دليله وموثوق
والي عيونه بصيره ياجار يرعى قصيره

منطوق ناطق ومنطوق ياكم رمسه ومنطوق
واقدارنا بين قوسين مابين شره وخيره

مرزوق رازق و مرزوق والخلق والكون مرزوق
من بعديسره عسيره من بعد عسره يسيره

مسروق سارق و مسروق الوقت سارق و مسروق
الي عيونه بصيرة والي يدينه قصيره

مزروق زارق و مزروق الطيب زارق و مزروق
يا كم يمنى كريمه ناحت لقل البصيره

صندوق في جوف صندوق والسر في جوف صندوق
ياداعج الطرف والعين كلن مواجه مصيره

عبدالله عباد البقيلي