ي اولاد عمـــي ياخوتـــــــــي يالقاريب
صعب الردي والاش يفشل صحبـــــــنا

الذيب يعـــوي لاسمع عــــــوية الذيب
والفـقد والهـجـــــران زود تـعـــــــــــبنا

الوضــع. عند البعض يحتاج ترتيب
واحــنا على الجوده نــشـــأنا و شبـــــنا

شيبان ربـــونا علـــى العـــز والطيـــب
ياما فـــي الدنــــيا اخـــــــذنا وجــبـنـا

مـن جا لنا بالطيـــب نقضيه بالطيـــب
نقسا مــــع القاســـــي ولو طـاب طبنا

و صفــــنا مايقبــــــل الشــــك والريب
نوفـــي مـــع الوافــي ولايــوم عبــــنا

ونأمــن الخايــــف ونقضي المطاليــب
يعــــرف عــوايــــدنا الذي قـــد جـربنا

يلقا البشاشه والكـــرم والتراحيــــــب
ماقصــــــــدنا الا انه يلاقــــي عجبــنا

دور.ن. بنيناها علــــى العــــز وتهيــب
ماهــــي الديار اللـــي علــى الذل تـبنا

دور.ن حشا يدخل بها الخدع والعيب
طيبــه وهيـــــبه مـــن مهيمن وهـبـنا