|
عرار:
جرّيت خطوات القدم للي بغيت
مسكين من درب الأماني لاعته
متحمل الفرقا لو اني مَ اشتهيت
ومعلقٍ حلمي. على. شماعته
شفني بوجه الريح صامل ماانثنيت
الحظ مايل وانجبرت بطاعته
طبيت في بحر الهوى لين استويت
وسط البحر حتى وصلت لقاعته
في قاع غبات الهوى بعت وشريت
لابوك ياسوق الهوى وبضاعته
كل مانويت ارحل واقفّي ماقويت
يطري علي هم الوداع وساعته
يالغايب اللي كل ماتطري بكيت
ودعتك اللي ماتضيع وداعته
#نايف ابن ربيعه
نشر بالتعاون مع إدارة منتدى عروس الشمال
الكاتب:
إدارة النشر والتحرير بتاريخ: الثلاثاء 16-07-2019 10:23 مساء
الزوار: 853 التعليقات: 0
|