ترمي اسهامك وقلبي مو حديد
كنك اعصار" وانا وردة سفوح

طفل حبك ما رضا يرقد عنيد
غير لا من جبتك وجيتي ب بوح

قاتلتني طحت في حبك شهيد
والبقا في رأس حلمي والطموح

انظريني دم مخنوق ف وريد
من عسف كف الالم عشق"جموح

ينولد شعر القهر في موت عيد
وتنصلب عين السهر من غير لوح

واضحك ولا تدهشك دمعة سعيد
اخلق من الحزن فرح بفرح نوح

لعن دمع" ما يقرب لي بعيد
لابو شعر" مااحتواني في نزوح

اغرسي سيفك اذا ظنك يفيد
من حطام القلب تبني لك صروح

اطعنيه وبااطلبك هل من مزيد
ياحلاة الموت بيدك والجروح

حرريه امقيدته ابدون قيد
واخمدي صدر"به الحسره تفوح

لا تهزك صرختي جمر ف جليد
تستفزك دمعتي ؟ دمعة مزوح

هزي اجروحي ويتساقط قصيد
وارقصي ما بين ذنب وطلع روح

دام موتي يسعدك باذبل سعيد
دام قربي يحزنك قررت اروح