ياشادي الصـوت ..هـذا الليـل يفجعنـي
شكـل بصوتـك سـمـا ليـلـي ووجـدانـي

رجعـنـي .للحب..والاحـلام .. رجعـنـي
ذكرني باللـي مضـا مـن سالـف ازمانـي

احتاج ساعة فرح وان قلت وش يعني
يعني كذا جيت انا هـارب مـن احزانـي

تسعـة عشر..عـام.. والايـام ..تدفعـنـي
لعالم(ن) مااعرف الوافـي مـن الجانـي

احباب واجد تبي.. وصلي.. وتقطعنـي
يـا كثـر مـا تاخـذ ..احبـابـي وتنسـانـي

اجوع .ماالحـب ..والاحبـاب ..تشبعنـي
اعطي ولاشفت من يعطي على شانـي

كلـي تبعثـر.. تعـب ..ماللـي  بيجمعـنـي
يلـم شملـي قبـل مـا ارحـل ولا القـانـي

يزرع بقلبي.. أمل وان غبـت .يزرعنـي
إنسان مخلص معي  بالحب  متفانـي

الليله اشيا .كثيـره.. صـدق.. توجعنـي
الحـب والشعـر.. وذنوبـي.. وحرمـانـي

من وين  مارحت  قام  الشعر يتبعنـي
ادمـى جروحـي وعنـد الـنـاس عـرانـي

صحيح وافي معي والغيـر.. يخدعنـي
مـن قبـل مـا اكتبـه يكتبـنـي ويقـرانـي

الشعرطـفـل (ن)يداعـبـنـي ويمنـعـنـي
مـرات يضحـك مـعـي واحـيـان بكـانـي

يـاشـادي الـصـوت قــم بالله ..متـعـنـي
رجعـنـي للـحـب ..واحـلامـي وخـلانـي