دام النيه في وسط صدري سليمه
ما بالتفت لهروج خبلٍ وكذّاب

ماهمّني هرج الحسد والنميمه
لا اخون عهد ولا أحارش ولاأغتاب

أقدم على الطيبه بعزم وعزيمه
وامشي على نهج الشريعه والآداب

اقدّر اهل المرجله والحشيمه
وافتح لهم في خافقي عدة ابواب

أسمع لأصحاب العقول الحكيمه
الّلي لهم في المسأله عدة اسباب

اتجاوز اللفظ الهزيل بشكيمه
واتقبل اللي هرجته هرجة عتاب

ولا التفت لأهل الردى والشتيمه
اللي تقدّيهم سواليف الاجناب

اللي طرقهم في الليالي عتيمه
يحوّرون الهرج تحوير الأذناب

اللّي لحوم الناس عنده وليمه
مااسايره لونال من غيري اعجاب

قلوبهم بالحقد جلفىٰ سقيمه
َمع اجنبي والا مع عز الاقراب

اللي ينبّش للعلوم القديمه
اصمّ عنه الاذن واعلن للأضراب

اللي يحب الافتراء والظليمه
البّس هروجه من الصمت جلباب

يارب يامنشي من الودق غيمه
جنّبني الشرهات ومعاتب احباب

الشاعر الشريف حمد العبدلي الهاجس